🌿🍃🍀🌱✨📖✨🌱🍀🍃🌿

✨📖 𝓋 వాక్యములోని 𝓋 వాగ్దానము 𝟸𝟶𝟸𝟼 📖✨

🌿🍃🍀🌱✨📖✨🌱🍀🍃🌿

ఈ రోజు దేవుని వాగ్దానం

Praise the Lord (6-1-2025)

కీర్తనలు 136:1

"యెహోవా దయాళుడు; ఆయనకు కృతజ్ఞతాస్తుతులు చెల్లించుడి; ఆయన కృప నిరంతరముండును."

దేవుని ప్రేమ శాశ్వతమైనది.

మారిపోని, తరిగిపోని, అలసిపోని ప్రేమ. ఇది మన ప్రవర్తన ఆధారంగా మారేదే కాదు – అది దేవుని స్వభావమే. ప్రేమ ఆయన స్వరూపం. ఇది ఒక అనుభూతి కాదు – అది నిజమైన వాస్తవం.

ప్రతి రోజు మనకు నూతనముగా లభించే ప్రేమ ఇది.విలాపవాక్యములు 3:22-23

యెహోవా కృపగలవాడు ఆయన వాత్సల్యత యెడతెగక నిలుచునది గనుక మనము నిర్మూలము కాకున్నవారము. అనుదినము నూతనముగా ఆయనకు వాత్సల్యత పుట్టు చున్నది నీవు ఎంతైన నమ్మదగినవాడవు.

ఈ లోకంలో ప్రతిదానికీ పరిమితి ఉంటుంది. కాని దేవుని ప్రేమకు కాల పరిమితి లేదు. అది స్థిరమైనది. మన మార్పులను బట్టి, మన పరిస్థితులను బట్టి అది బలహీనపడదు. దేవుని ప్రేమ ప్రతిసారి అదే స్థిరతతో, అదే శక్తితో మనలను తాకుతుంది. మనం బలహీనపడినప్పుడు, మనం తప్పులు చేసినప్పటికీ… ఆయన ప్రేమ మనల్ని వదలదు.

మన హృదయాన్ని స్థిరంగా ఉంచేది – దేవుని ప్రేమ.

ఇది మనల్ని నిలబెడుతుంది. ఒకసారి కాదు – ఎప్పుడూ. సర్వకాలంలో, సర్వస్థితిలో. ఇది మానవ ప్రేమలకంటే అపరిమితమైనది. మనం తలవంచినా… బలహీనులైనప్పటికీ… దేవుని ప్రేమ మనల్ని వదలకుండా పట్టుకునే ప్రేమ.

అందుకే… "యెహోవా దయాళుడు; ఆయన కృప నిరంతరము ఉండును" అని కీర్తనకారుడు కృతజ్ఞతతో పాటించాడు.

🙏 ప్రార్థన

ప్రియమైన మా పరలోకపు తండ్రి,

మీ కృప ఎప్పటికీ నిలిచేది. మీ ప్రేమ మారనిది. మేము మారినా, మీరు మారరు. మమ్మల్ని విడవని దేవా, మీ ప్రేమలో మా హృదయాలు స్థిరపడేలా చేయండి. ప్రతి రోజూ కొత్తగా మా జీవితాల్లో మీ దయను అనుభవించేటట్టు మమ్మల్ని నడిపించండి.

మీ ప్రేమ మాకు ఆశ్రయం, బలమై ఉండాలి.

ఇది మాకు పుష్కలమైన ధైర్యాన్ని, నిలకడను ఇస్తుంది. మీ ప్రేమ మమ్ములను ఎప్పటికీ విడవకుండా కొనసాగిస్తుందని విశ్వసిస్తూ…యేసు నామంలో ప్రార్థిస్తున్నాము, తండ్రి. ఆమెన్, ఆమెన్, ఆమెన్.

ఎస్తేర్ క్రైసో లైట్

19-7-2025

🌿🍃🍀🌱✨📖✨🌱🍀🍃🌿

✨📖 𝓥𝓪𝓴𝔂𝓪𝓶𝓾𝓵𝓸𝓷𝓲 𝓥𝓪𝓰𝓭𝓪𝓷𝓪𝓶𝓾 𝟸𝟶𝟸𝟼 📖✨

🌿🍃🍀🌱✨📖✨🌱🍀🍃🌿