🌿 Today’s Prayer of Praise

Posted On: 13-6-25

స్తుతితో కూడిన ప్రార్థన (ఏడవ భాగం)

(కీర్తనలు మూడవ అధ్యాయము అదారముగా సమకుర్చ భడినవి )

యేసయ్య చాలా సందర్భాల్లో చిన్న వాక్యాలతోనే తండ్రిని స్తుతించి, విశ్వాసంతో అద్భుతాలు చేశాడు. దీర్ఘ ప్రార్థనలు కాకుండా, స్తుతితో కూడిన చిన్న మాటలే ఎంతో శక్తివంతంగా మారాయి. మనం కూడా స్తుతితో కూడిన చిన్న చిన్న ప్రార్థనలను చేయాలని వీటిని మీకు అందిస్తున్నాను

ప్రతి రోజు మనం ఒక చిన్న వాక్యం ద్వారా తండ్రికి స్తుతి ప్రార్థనను సమర్పిద్దాం.మీరు పలికే ప్రతి చిన్న వాక్యాము కూడ దేవుడు దానికి ముందుగానే జవాబును ఇచ్చాడని మీ జీవితంలో ఆ వాక్యాన్ని నెరవేర్చాడని నమ్మి విశ్వసముతో స్తోత్రం చెప్పండి.

1. ప్రియమైన మా పరలోకపు తండ్రి నా శత్రువులు ఎంత మంది నా మీదికి లేచిన, నన్ను కాపాడే దేవా, మీకే స్తోత్రం.

2. నా మీద లేచి నా ప్రాణాన్ని పోగొట్టాలని అనుకునే వారి మధ్యన నన్ను నిలబెట్టిన దేవా, మీకే స్తోత్రం.

3. మీరే నా ఆధారము, మీరే నా మహిమ, నా తల నెత్తువాడ మీకే స్తోత్రం –

నా నిత్యకీర్తన మీరే అయినందుకు మీకే స్తోత్రం!

4. నా ప్రార్థనను ఆలకించు దేవా, మీకే స్తోత్రం

5. మీ ముఖ దర్శనము చేత నా ప్రతి ఆశను తీర్చుకునే భాగ్యాన్ని ఇచ్చిన దేవా మీకే స్తోత్రం.

6. . నేను పడుకొని నిద్రించిన, మరల నిద్ర లేపు వాడ మీకే స్తోత్రం

7. నన్నురక్షించి – జీవమిచ్చిన తండ్రి, మీకే స్తోత్రం.

8. . పదివేల మందిని నేను చూసినా నాలో భయాన్ని రానివ్వని దేవా మీకే స్తోత్రం

9. భయపడకుండ వుండటానికి మీరే నాకు బలము అయినందు – మీకే స్తోత్రం.

10. . యెహోవా, మీరే నన్ను కాపాడు వాడవు అయినందుకు మీకే స్తోత్రం

11. నన్ను విమోచించిన దేవా, మీకే స్తోత్రం.

12. . నా శత్రువుల పళ్లను విరిచిన మీ శక్తికి మీకే స్తోత్రం!

13. . నా రక్షణ మీ యందే ఉన్నందుకు మీకే స్తోత్రం–

14. మీ జ్ఞాపకమే నాకు ఆరాధన అయినందుకు మీకే స్తోత్రం.

15. . మీ ఆశీర్వాదం మీ ప్రజల మీద ఉందని నమ్మే భాగ్యాన్ని ఇచ్చిన దేవా, మీకే స్తోత్రం.

16. రాత్రి కలిగే నిద్రను విశ్రాంతిని మీ ఆధీనంలో ఉంచిన దేవా మీకే స్తోత్రం

17. ప్రతి ఉదయం మీ రక్షణ ఆనందమును మీ సన్నిధిని అనుభవించే –భాగ్యాన్ని ఇచ్చిన దేవా మీకే స్తోత్రం .

18. నా నిత్యకీర్తన మీరే అయినందుకు మీకే స్తోత్రం!

19. శత్రువుల మధ్యలో నన్ను సమాధానముతో నింపిన దేవా మీకే స్తోత్రం.

20. నా కెడేము మీరే అయినందుకు దేవా యెహోవా మీకే స్తోత్రం

21. నా అతిశయముగా నాకు ఉన్న దేవా మీకే స్తోత్రం

22. భయపడక నిన్ను ఆశ్రయించే ధైర్యాన్ని ఇచ్చిన దేవా, మీకే స్తోత్రం.

23. . నా శత్రువులకు సమాధానమును ఇచ్చే దేవా మీకే స్తోత్రం.

24. . నాకు కీడు కలిగించాలనుకునే వారి మధ్యన నాకు భద్రతను ఇచ్చే దేవా మీకే స్తోత్రం.

25. యెహోవాయే నాకు ఆధారం అని నేను ఎలుగెత్తి మొఱ్ఱ పెట్టుటకు నా నోటిలో నీ మాటలను ఉంచిన దేవా మీకే స్తోత్రం

26. నేను మొఱ్ఱ పెట్టినప్పుడు మీ పరిశుద్ధ పర్వతము నుండి నాకుత్తర మిచ్చేదేవా మీకే స్తోత్ర

27. నేను పండుకొనిన నిద్రపోయిన మేలుకొనిన నాకు ఆధారము మీరే అయినందుకు యెహోవా దేవా మీకే స్తోత్రం

28. పదివేలమంది దండెత్తి నా మీదికి వచ్చి మోహరించినను నేను భయపడకుండ ఉండటానికి నా ధైర్యం మీరే అయినందుకు దేవా ! మీకే స్తోత్రం

29. నన్ను రక్షించే నాదేవా యెహోవా మీకే స్తోత్రం

30. నన్ను ఎత్తి నిలబెట్టిన మీ శక్తికి మీకే స్తోత్రం

31. మీ నామం ధరించిన ప్రతి వ్యక్తి మీద ప్రార్థించే ప్రార్థన ఆత్మను వుంచిన తండ్రి మీకే స్తోత్రం

32. మా దేశంలో మా రాష్ట్రలలో మా ప్రాంతాలలో మీ పరిచర్యను చేస్తున్న మీ దాసులకు వారి క్షేమమునకు వారి భద్రతకు విరోధముగా పోరాడుతున్న యేజుబేలు లాంటి ఆత్మను యేసు నామములో బంధిస్తున్నాను బంధిస్తున్నాను బంధిస్తున్నాను

33. స్తుతితో కూడిన ఈ నా ప్రార్థనను యేసుక్రీస్తు ప్రభువు శ్రేష్టమైన నామములో సమర్పిస్తున్నాను తండ్రి ఆమెన్ ఆమెన్ ఆమెన్.

యేసయ్య మనకు చూపిన ప్రార్థన జీవితం చిన్న చిన్న వాక్యాల్లోనే మహిమగల గొప్ప ప్రభావాన్ని చూపింది. అదే విధంగా, మీరు ప్రతి రోజు ఒక చిన్న వాక్యంతో తండ్రి అయినా దేవుని స్తుతించే ప్రార్థించే ఆత్మీయ అలవాటుగా ప్రారంభించండి. ఈ చిన్న వాక్యాల ద్వారా మీరు పలికే ప్రతి మాటకు దేవుడు ముందుగానే జవాబు ఇచ్చాడని విశ్వాసంతో పలకండి. ఈ స్తోత్ర వాక్యములు మీ జీవితంలో అద్భుత మార్పులను తీసుకురావాలన్నదే నా ఆకాంక్ష.

ప్రతి ఒక్క వాక్యము:

– విశ్వాసంతో పలకండి

– దేవుని మహిమను ప్రకటించండి

– మీ ఆత్మకు శాంతి, బలమును చేకూర్చుకోండి

ఈ రోజు మీరు పలికే స్తుతితో కూడిన ప్రార్థన వాక్యం – మీ జీవితము మార్పునకు ప్రారంభము కావచ్చు!